Pongu Tamizh Pongu Tamizh Pongu Tamizh  

இறுதிச் சொற்கள்

இறுதிச் சொற்கள்
அர்ச்சுனா

 

புரட்சி, போராட்டம், பொதுவுடமை

ஏகாதிபத்தியம்

இன்னும் இன்னும்

பேசிய சொற்களின் பொருள்புரியா வயதிலும்

பிடல்

உன்னை எனக்கு ஞாபகமிருக்கிறது

 

கியூபா என்னும் குட்டித் தீவும்

கரீபியனும் ஹவானாவும்

சேகுவேரா என்றோர் தோழமையின்

நட்பும்

அதன் பின்னான கதைகளும்

அலைக்கழித்த ஒரு நாளில் தான்

பிடல்

உன்னை நான் அடையாளம் கண்டேன்

 

வேர்வையில் நனைந்திருந்தது உன்

இராணுவச் சீருடை

சவரம் செய்படா கருநிற தாடியை

மேவிப் படர்ந்து

புன்னகையை மறைத்தது சுருட்டின் புகை

கனவுகளில் நீ வந்தாய்

புரட்சியின் வேர்கள் கிளைவிட்டு விரிந்த

ஹவானாவின் அறியாத தொலைதூரத் தெருக்களில்

உனைத் தேடியலைந்தேன்

 

கோலியாத்தின் நெற்றிப்பொட்டை குறிவைத்தபடி

டேவிட்டுகள்

ஹவானாவின் தெருக்களில் திரிந்தனர்.

இப்படித்தான்

உலக வல்லரசுக் கனவொன்றும்

டேவிட்டுகளின் ஏவுகணை நிழல்பட்டுக் கலைந்தது.

 

வாழும் நூற்றாண்டின் கடைசிப் பேராளுமை

மரணம் விரித்த பொறிகளை வென்றது.

முடிவில்

அது முதுமையிடம் தோற்றது.

வர்க்கங்கள் அற்ற வாழ்வை

சாவு தந்தது.

 

இன்று

மாவீரர் நினைவில் ஏற்றிய தீபத்தின் அருகே

உனக்கெனவும்

ஓர் ஒளிச்சுடர் ஏற்றினேன், பிடல்

 

விடைபெறும் நேரத்திற் சொல்வதற்கென

வைத்திருந்த வார்த்தைகள் அனைத்தும்

சொல்லியாயிற்று

இறுதிச் சொற்களென ஏதுமில்லை.

வரலாறு எம்மை விடுவிக்கும் என்ற

உன்

ஒற்றை வார்த்தையைத் தவிர..

12/2/2016 3:35:05 PM

நண்பருக்குப் பரிந்துரைக்க:



 
ஒலிப்பதிவுகள்
  • செயற்பாட்டாளராக இருப்பது என்பது பிரதான தேசியக் கடமை! - ஆய்வாளர் நிலாந்தன் நேர்காணல் - செவ்வி கண்டவர் : ராஜன் செல்லையா (நன்றி தமிழ்3 வானொலி,நோர்வே - 13.05.16)

செயற்பாட்டாளராக இருப்பது என்பது பிரதான தேசியக் கடமை! - ஆய்வாளர் நிலாந்தன் நேர்காணல் - செவ்வி கண்டவர் : ராஜன் செல்லையா (நன்றி தமிழ்3 வானொலி,நோர்வே - 13.05.16)

  • ஆட்சி மாற்றத்தால் அதிகம் நன்மையடைவது மேற்குலகமும் இந்தியாவுமே! - ஆய்வாளர் நிலாந்தன் (தமிழ்3 வானொலி நோர்வே - 14.01.2015 - நேர்கண்டவர் ரூபன் சிவராஜா)

ஆட்சி மாற்றத்தால் அதிகம் நன்மையடைவது மேற்குலகமும் இந்தியாவுமே! - ஆய்வாளர் நிலாந்தன் (தமிழ்3 வானொலி நோர்வே - 14.01.2015 - நேர்கண்டவர் ரூபன் சிவராஜா)

  • மாவீரர் நினைவுப்பாடல் (27.11.2014). பாடல் வரிகள்: ரூபன் சிவராஜா, குரல்: நிரோஜன், ஹேமா, இசை: வேந்தன்

மாவீரர் நினைவுப்பாடல் (27.11.2014). பாடல் வரிகள்: ரூபன் சிவராஜா, குரல்: நிரோஜன், ஹேமா, இசை: வேந்தன்

  • முள்ளிவாய்க்கால் நினைவுப் பாடல் - பாடல்: ரூபன் சிவராஜா, இசை: தினா, குரல்: பிரசன்னா

முள்ளிவாய்க்கால் நினைவுப் பாடல் - பாடல்: ரூபன் சிவராஜா, இசை: தினா, குரல்: பிரசன்னா

  • புலம்பெயர் மக்களின் போராட்ட முறைகளில் புதிய உத்தி தேவை - ஆய்வாளர் நிலாந்தன் (தமிழ்3 வானொலிக்காக நேர்கண்டவர்: ரூபன் சிவராஜா - 12.03.14)

புலம்பெயர் மக்களின் போராட்ட முறைகளில் புதிய உத்தி தேவை - ஆய்வாளர் நிலாந்தன் (தமிழ்3 வானொலிக்காக நேர்கண்டவர்: ரூபன் சிவராஜா - 12.03.14)

»மேலும்

நிழல்
ஜல்லிக்கட்டு போராட்டத்தை ஏன் வன்முறையாக சித்தரிக்க முயல்கிறார்கள்? - திருமுருகன் காந்தி, மே 17 இயக்கம்

»மேலும்

புதினங்கள்
செய்திகள்
முகநூல்